झुटको बाटो कति छोटो
आफनो आत्मासँगै फाँटो
सत्य हुन्छ कठिन लामो
हिंड्छु एक्लै हुलको साँटो
जीवन भन्नु यात्रा भन्छन्
सुख दु:ख साथी बन्छन्
अँधेरो लाई हराउँन
कति दिप जल्ने गर्छन्
तेरो मेरो भन्दा भन्दै
आफै उडी जाने धुँवा बन्छन् .....23november2017Macau

संघर्षबोध

'आजकल मलाई मनपर्छ 
मेरो पसिना गन्ध 
र यो माटोको बास्ना ।
फूलमायाको वनगीत
र श्रीमतीको किचकिच
दुवै मनपर्छ ।
मैले पहिले किन छोडेर हिंडे पूर्खाको गोरेटो ,पधेंरो र गोठ ?......कविता लेखे जस्तो गरियो धेरैपछि ।

सहर - ३

तनावको दलदलमा भासिए पनि

सहरले निलेको छ मान्छे ।

सम्झेर सुदूर गाँउ -

हिँडिरहेछ सपनाहरुको उही पुरानै बाटो ।

सधैं तातो उच्छ्वास निस्कन्छ

यो चिसो डेराबाट -

यै ज्यानको तातो हिटरले

कहिलेसम्म न्यानो बनाइरहने

यो अध्याँरो गुफा ?

जीवन आफै तेल ,बाती र दियो हो 

जोगाउँनु छ यस्लाई भोक र अभावको हुरी वर्षातबाट ।

संघर्ष र पीडाका असंख्य इँटहरुले पनि

कहिले आकार लिदैनन् सुखको यहाँ ।